Loksins, loksins birtist ný færsla, ný uppskrift og sú er nú ekki af verri endanum. Haustleg bláberjakaka sem er bæði falleg og sérlega góð. Ekkert prjál bara heiðarleg bláberjakaka sem bæði er góð eins og sér, köld og heit, með eða án rjóma. Verði ykkur að góðu.
Uppskrift
- 4 egg
- 150 gr. sykur
- 200 gr. smjör – brætt
- 1 tsk. vanilludropar
- Sítrónubörkur fínt rifinn af 2 stírónum (bara ysta lagið, þetta gula)
- 180 gr. möndlumjöl
- 60 gr. kókosmjöl (fínt)
- 70 gr. hveiti
- 1 tsk. lyftiduft
- 200 gr. bláber
- 20 gr. möndluflögur
Hitið ofninn í 180°C og smyrjið 22 cm smelluform vel.
Hræra egg og sykur vel saman.
Bræðið smjörið, kælið og blandið saman við eggjahræruna ásamt vanilludropum og sítrónuberki.
Setjið þurrefnin, möndlumjöl, kókosmjöl, hveiti og lyftidufti í skál og blandið vel saman. Hrærið síðan saman við eggja og smörblönduna.
Bætið 150 gr. af bláberjum varlega saman við deigið og hellið í velsmurt 24 cm smelluform.
Stráið 50 gr. af bláberjum yfir deigið og möndluflögunum ofan á bláberin.
Bakið í 180°C heitum ofni í 50 mínútur eða þar til prjóni sem stungið er í miðju kökunnar kemur hreinn út.
Látið standa og kólna í 30 mínútur áður en kakan er tekin úr forminu og sett á kökudisk. Þessi kaka er dásamlega góð volg með þeyttum rjóma sem eftirréttur eftir góða máltíð en ekki síðri köld á síðdegisborðið með kaffinu eða árdegisverði.