Paprikupestó er gott álegg á brauð, hrökkbrauð, kex, eða bara á salatblað – góð tilbreyting frá þessu hefðbundna pestó sem við þekkjum og kærkomin nýjung á árdegisverðarborðið um helgar. Bragðið er örlítið sætt, það gera grilluðu paprikurnar.

Uppskrift

• 2 rauðar paprikur
• 100 gr. Cheddar ostur
• 75 gr. valhnetur
• 6 sólþurrkaðir tómatar
• 1 hvítlauksrif
• 1 msk. ólífuolía
• salt og pipar

Skerið paprikuna í 4 hluta og fræhreinsið.

Leggið paprikuna á plötu og grillið í ofninum þar til ysta lagið verður mjög dökkt nánast svart.

Setjið paprikurnar beint í hitaþolinn poka og látið þær vera í nokkrar mínútur.  TAkið úr pokanum og flettið ysta laginu af paprikunni.

Setjið allt í matvinnsluvél og maukið.  Berið fram með góðu brauði, hrökkbrauði eða kexi og gænmeti.