Smáköku-uppskrift tvo af sjö – Appelsínur, súkkulaði og kókos ljá þessum toppum töfrandi bragð á aðventu. Ég man ómögulega hvar ég fékk þessa uppskrift en hún er í uppskriftabókinni sem ég kom mér upp þegar ég var 17 eða 18 ára. Ég hef minnkað sykurinn um helming frá upprunalegu uppskriftinni -þannig falla þær að breyttum smekk og áherslum. Topparnir eru stökkir að utan og dásamlega mjúkir að innan.

Uppskrift

• 2 egg
• 100 gr. sykur
• 200 gr. kókosmjöl
• 1 tsk. vanilludropar
• rifinn börkur af einni appelsínu
• 50 gr. suðusúkkulaði saxað

Þeytið egg og sykur vel saman. Hrærið vanilludropunum saman við eggjahræruna. Blandið því næst öllu öðru saman við. Setjið með teskeið á pappírsklædda plötu. Bakið við 180°C í 5 – 7 mínútur.