Grilluð stórlúða með asísku ívafi

Grilluð lúða Mikið sem sumarið getur verið góður tími -tími til að grilla og borða úti í garði. Fiskur hentar vel á grillið og þegar í boði er falleg stórlúðusteik hjá fisksalanum mínum þá stenst ég ekki mátið.  Stórgóð steik sem ákaflega fljótlegt er að útbúa og já einfalt líka og um leið hollt – það er vart hægt að biðja um meira – nema ef til vill lengra sumar, fleiri bjartar nætur og að hitastigið sýni oftar 2 stafi í plús eins og verið hefur síðustu viku eða svo 🙂

Hráefni-grilluð lúða Uppskrift

  • 1 kg. stórlúðusteik

Kryddlögur

  • 60 ml. teriyaki sósa
  • 1 msk. sojasósa
  • 2 hvítlauksrif, marin undir hnífsblaði, saxaður smátt og maukaður
  • 2 cm engiferrót, rifin smátt
  • 1/2 rauður chili-pipar, saxaður mjög smátt

Blandið öllu sem á að fara í kryddlöginn saman. Penslið stórlúðusteikna með kryddleginum og grillið á heitu grilli í 3-5 mínútur á hvorri hlið.  Penslið kryddleginum yfir þegar þið snúið henni við.

lúðaGott er að taka afganginn af kryddleginum og hita hann að suðu og bera fram með matnum.

Meðlæti

  • sykurbaunir
  • eggaldin
  • paprika
  • gulrætur
  • Olía
  • salt og pipar
  • ferkst kóríander

Skerið grænmetið í bita, fremur jafna að stærð, en hafið gulræturnar í þynnri bitum og baunirnar heilar.

wok grænmetiVeltið grænmetinu upp úr olíu og snöggsteikið á heitri wok pönnu í nokkrar mínútur – kryddið með salti og pipar. Stráið fersku gróft söxuðu kóríander yfir réttinn um leið og hann er borinn fram.

Góð hrísgrjón eiga líka vel við þennan rétt  – en þetta kvöld bárum við lúðuna einungis fram með wok steiktu grænmetinu – næst bætum við ef til vill smá kolvetnum við og sjóðum góð Jasmin hrísgrjón.

Þessi færsla var birt í Fiskur og sjávarfang, Grillréttir og merkt sem , , , , , . Bókamerkja beinan tengil.

Færðu inn athugasemd

Skráðu umbeðnar upplýsingar að neðan eða smelltu á smámynd til að skrá þig inn:

WordPress.com Logo

You are commenting using your WordPress.com account. Log Out / Breyta )

Twitter picture

You are commenting using your Twitter account. Log Out / Breyta )

Facebook photo

You are commenting using your Facebook account. Log Out / Breyta )

Google+ photo

You are commenting using your Google+ account. Log Out / Breyta )

Tengist við %s