Stundum þarf ekkert mörg orð eða langan texta til að lýsa einföldu og góðu hráefni – kartöflur sem þessar eru gjarnan á boðstólnum hjá Vatnsholtsgenginu.  Uppskriftin er einföld og kartöflurnar góðar hvort sem er með sunnudagslærinu, nautasteikinni eða góðum fiskrétt.

Uppskrift

• 1 kg. kartöflur
• 2-3 msk. olífuolía
• nokkrir stilkar ferskt rósmarín
• 2-4 hvítlauksrif
• salt og pipar

Þvoið kartöflurnar, þerrið og skerið í báta, ég skræla þær aldrei, finnst bæði smart og gott að hafa hýðið á þeim.

Saxið rósmarín gróf, merjið hvítlaukinn undir hnífsblaði og saxið smátt.  Setjið olífuolíu í skál og hrærið hvítlauk og rósmarín saman við.  Setjið kartöflurnar útí skálina og blandið vel saman. Þetta má alvega standa i skálinni í smá stund á meðan matseld á aðalréttinum er undirbúinn.

Setjið kartöflurnar í ofnskúffu, saltið og piprið e. smekk.  Bakið við 180°C í u.þ.b. 40 mínútur. Berið fram með góðri steik eða góðum fiskrétti.