Ómissandi fylgifiskur pestó-gerðar í Vatnsholti er þessi dásamlegi rjómaostur.  Einfalt og gott.  Líkt og með pestó-ið þá eru hlutföllin ekki heilög og aldrei alveg þau sömu – í þetta sinn var þó talið, mælt og skráð.  Um helgar er þetta gjarnan á árdegisverðar-hlaðborðinu sem við þreytumst ekki á að fá fjölskyldu og vini til að njóta með okkur.

• 200 gr. rjómaostur
• 3 msk. heimagert pestó m/sólþurrkuðum tómötum
• 1 hvítlauksrif
• 12 grænar ólífur
• 12 svartar ólífur
• 6 sólþurrkaðir tómatar

Rjómaostur, pestó og hvítlaukur maukað saman í matvinnsluvél.  Ólífur skornar í sneiðar og sólþurrkaðir tómatar í litla bita.  Ólífur og tómatar hrært saman við rjómaostamaukið  með sleif.