Það er viðeigandi að fyrsta matarfærslan sé uppáhalds-pestó fjölskyldunnar.  Uppskriftin hefur þróast í gegnum árin, en aldrei áður hef ég reynt að mæla það sem fer í hana -þetta var því svolítil áskorun, að mæla og setja allt í litlar skálar áður en hafist var handa við að mauka góðgætið.  Afurðin olli ekki vonbrigðum og ef ég þekki mitt fólk þá munu pestó – krukkurnar tvær sem nú eru komnar í ískápinn staldra stutt við.  Við kaupum aldrei tilbúið pestó, gerum ávallt okkar eigið – þið munið skilja hvers vegna eftir að hafa prófað þessa uppskrift.

• 200 gr. sólþurrkaðir tómatar
• 70 gr. svartar ólífur
• 1 knippi basilika
• 3-4 hvítlauksgeirar
• 1,5 dl. góð ólífuólía
• 2 msk. balsamik edik
• 1 tsk. nýmalaður pipar

Setjið allt í matvinnsluvél nema ólífuólíuna og maukið, hellið ólífuólíunni í hægri bunu út í.  Smekksatriði hveru gróft maukið er, við viljum hafa það fín-maukað.  Magn ólíunnar fer líka eftir smekk, því meiri olía, því þynnra mauk.