Mikið og djúpt súkkulaðibragð einkennir þessar kökur sem eru ef til vill meira fyrir fullorðna en börn. Ákaflega góðar með sterku góðu kaffi og púrtvíni eða jafnvel rauðvínstári í lok máltíðar.

Uppskrift

• 200 gr. 70% súkkulaði
• 80 gr. smjör
• 2 egg
• 120 gr. sykur
• 2 tsk. skyndikaffiduft
• 1 tsk. vanilludropar
• 50 gr. hveiti
• 1 tsk. lyftiduft
• 150 gr. suðusúkkulaði saxað
• 150 gr. valhnetur saxaðar

Bræðið saman smjör og 70% súkkulaðið yfir vatnsbaði eða við lágan hita. Þeytið egg, sykur kaffiduft og vanillu saman þar til blandan verður létt og ljós. Bætið súkkulaði- blöndunni út í og blandið vel saman.  Sigtið hveiti og lyftiduft saman og bætið út í ásamt söxuðu súkkulaði og valhnetum.

Setjið með teskeið (eða lítilli ísskeið) á pappírsklædda bökunarplötu.  Bakið við 180° C í u.þ.b. 8-10 mínútur. Látið kökurnar kolna aðeins á plötunni, sigtið smávegis af flórsykri yfir þær og færið yfir a rist og latið þær kólna alveg.

Kökurnar geymast best í frysti, þær eru fljótar að þiðna og því gott að taka þær bara jafnóðum úr frystinum.