Ég smakkaði tzatzíkí fyrst á Krít fyrir margt löngu – þar er sósan borin fram með nánast öllu, á morgnana, í hádeginu og á kvöldin, með grænmeti, brauði, kjöti og fisk.  Í kvöld var hún borin fram með kjúklingarrétti og couscous, en að sjálfsögðu er sósan góð með nánast hverju sem er.  Þess vegna verðskuldar hún sérstaka færslu.

Uppskrift

• 200 gr. Grísk jógúrt
• 1/3 agúrka
• 2 hvítlauksrif
• 1 tsk. sítrónusafi
•  1 tsk. olífuolía
• salt

Rífið agúrkuna á rifjárni (grófu hliðinni), setjið á disk og stráið smávegis af salti yfir. Látið standa í nokkrar mínútur og greistið síðan vel með höndunum þannig að sem mestur safinn fari úr gúrkunni. Hrærið öllu vel saman og látið standa í svolítinn tíma áður en borið er fram. Bragðið verður dýpra og betra ef sósan nær að standa í a.m.k. klukkustund, en það er allt í lagi að bera hana fram fyrr.