Árdegisverðarboð um helgar eru fullkomin leið til að kalla saman þá sem þér þykir vænt um.  Nokkrir góðir réttir og skemmtilegt fólk, dásamlegri byrjun á laugardegi eða sunnudegi er vandfundin.  Réttirnir þurfa ekki að vera margir eða flóknir.  Hér er einn sem er mjög einfaldur, fallegur og ákaflega góður.

 Uppskrift

• 150 gr. frosin hindber
• 2-3 msk. hunang
• 1 1/2 dós grísk jógúrt (500 gr.)
• músli (heimagert er best – sjá uppáhaldsuppskriftina hér
• nokkur fersk hindber (má sleppa)

 Setjið hindber og hunang í pott og hitið að suðu, látið malla í 5 mín.  Kælið.

 Skiptið hindberjamaukinu jafn á milli 4 fallegra glasa eða setjið í krukkur.  Gríska jógúrtin fer ofan á hindberjamaukið og loks músli.  Skreytið með nokkrum ferskum hindberjum ef þið eigið þau til.