Ommeletta með grænkáli, sólþurrkuðum tómötum og chorizo

Ommeletta með grænkáli, sólþurrkuðum tómötum og chorizo Það hefur verið lítið um nýjar færslur á vefnum að undanförnu – en það er svo sannarlega ekki til marks um að lítið sé um að vera í eldhúsinu mínu – þvert á móti bíða svo margar hugmyndir að færslum eftir úrvinnslu að ég veit vart hvar á að byrja 🙂  Til þess að koma mér í gírinn þá valdi ég að setja inn nýjasta réttin, einfaldan eggjarétt sem var á brunch borðinu þennan sunnudagsmorgun. Ég veit fátt dásamlegra en að fá skemmtilegt fólk í heimsókn, elda góðan mat, njóta og spjalla um heima og geima.  Í dag komu ákaflega kærir vinir til okkar í árdegisverð (brunch) – við bökðum sítrónuvöfflur eftir þessari uppskrift, náðum í gott súrdeigsbrauð hjá Sandholti, settum gott álegg, grænmeti og osta á bakka týndum til sultur, chutney og pestó sem eru alltaf er til í ísskápnum – útbjuggum hressandi drykk úr appelsínum, grænkáli, engifer og fleira góðgæti – helltum upp á gott kaffi og sátum síðan og nutum í 3 klukkustundir – gæðastund sem seint verður ofmetin. En aftur að þessum einfalda rétti – ommelettu – eins og stundum þá er þetta meira aðferð en heilög uppskrift – um að gera að aðlaga að eigin smekk og því sem til er hverju sinni. Við eigum svo mikið af grænkáli í garðinum að það hentar vel að nota það – en spínat virkar örugglega jafnvel.

Ommeletta hráefniUppskrift

  • 4 egg
  • 1-2 msk góð olía til að steikja upp úr
  • 4-5 vænir stilkar af grænkáli
  • 4 sólþurrkaðir tómatar, skornir í bita
  • 16 sneiðar af chorizo pylsu
  • 40 gr. feta ostur
  • salt og pipar og ef vill örlítið af chili
  • nokkur fersk basilblöð – grófsöxuð

Hitið ofninn í 180°C.

Fjarlægið stilkinn af grænkálinu og skerið kálið í grófa bita. Hitið olíuna á pönnu og steikið kálið í nokkrar mínútur þar til að mýkist. Skerið sólþurrkuðu tómatana í fremur smáa bita og bætið út á pönnuna.  Í þetta sinn útbjó ég ommeletturnar í litlum Lodge pönnum og skipti því grænkáls- og tómatablöndunni jafnt á hverja pönnu – en þennan rétt má auðveldlega útbúa í einni stærri pönnu, þeirri sömu og þið notið til að steikja kálið á.  Ég vel að útbúa omelltur í pönnu sem getur farið inn í ofn, þá þarf ég ekki að snúa þeim við á pönnunni. Raðið chorizio pylsunni ofan á grænkálsblönduna. Brjótið ostinn í grófa bita og dreifið yfir.

OmmelettaHrærið eggin saman með gaffli, ef þið notið litlar pönnur eða form sem eru hentug fyrir einn – þá er best að hræra hvert egg fyrir sig og hella yfir pönnuna/formið.

Bakið í 180°C heitum ofni í 10 – 20 mínútur eftir því hvort þið eruð með eina stóra pönnu eða 4 minni.

Stráið gróft saxaðri basiliku yfir réttinn áður en hann er borin fram. Njótið yfir skemmtilegu spjalli með góðum vinum.

Ádegisverður

 

 

Þessi færsla var birt í Morgunmatur, Smáréttir, Árdegisverður (Brunch) og merkt sem , , , , , , , . Bókamerkja beinan tengil.

2var við Ommeletta með grænkáli, sólþurrkuðum tómötum og chorizo

  1. Sigríður Þormar sagði:

    Hvað gerir þú ef sítrónu smjörið skilur sig

    • berglindolafs sagði:

      kæra Sigríður – ég hef ekki orðið fyrir því að sítrónusmjörið skilji sig – en gæti trúað að hitastigið á blöndunni sé aðeins of mikið – mæli því með að kæla það og þeyta saman þar til blandan samlagst vel.
      Vona að þetta virki – kærar kveðjur: Berglind

Færðu inn athugasemd

Skráðu umbeðnar upplýsingar að neðan eða smelltu á smámynd til að skrá þig inn:

WordPress.com Logo

You are commenting using your WordPress.com account. Log Out / Breyta )

Twitter picture

You are commenting using your Twitter account. Log Out / Breyta )

Facebook photo

You are commenting using your Facebook account. Log Out / Breyta )

Google+ photo

You are commenting using your Google+ account. Log Out / Breyta )

Tengist við %s