Opin samloka með spínat, tómötum, skinku og hleyptu eggi

Skrifað september 28, 2014 - Höfundur: Berglindol

IMG_5776Ég hef aldrei verið snillingur í að gera hleypt egg og á nokkrar misheppnaðar tilraunir að baki.  Eftir að hafa horft á þetta myndband hjá vini mínum Jamie Oliver hef ég komist að því að þetta eru engir galdrar aðrir en þeir að vera með ný-orpin egg. Ekkert edik eða aðrir galdrar, bara nýtt og ferskt hráefni, róleg suða á vatni og um það bil 3 mínútur. Með þetta að leiðarljósi útbjó ég dásemdar brauð sem á vel við í hádegi á fallegum sunnudegi.  Á sunnudögum er nefninlega gaman að hafa örlítið meira fyrir morgun- og/eða hádegisverðinum og gera tilraunir sem maður gefur sér annars ekki tíma til.  Stundum heppnast tilraunirnar svo vel að þær verðskulda færslu – eins og gerðist í dag 🙂  Svo góður var þessi réttur að hann verður án efa endurtekin fljótlega.
SJÁ UPPSKRIFT

Birt í Árdegisverður (Brunch), Smáréttir | Merkt , , , , , | Færðu inn athugasemd

Rabarbara- og aprikósu chutney

Skrifað september 14, 2014 - Höfundur: Berglindol

Rabarabara og aprikósu chuntney Þetta sumar hefur verið rabarbaranum hagstætt. Þó við sem búum hér á suðuvesturlandi viljum hafa sumrin á hlýrri, þurrari og vindana hægari, kann rabarbarinn greinilega að meta svalt og blautt sumar. Ég man ekki eftir betri uppskeru þau 10 ár sem ég hef átt dásemdargarð með rabarbara. Um helgina náði ég í síðustu stilkana út í garð og gerði þetta ljúfenga chutney – það er velkryddað með chili, sterku og góðu karrí og fersku engifer.  Rabarbarachutney er gott með allskyns indverkum réttum, en er ekki síðra með góðum ostum, kexi og brauði.

SJÁ UPPSKRIFT

Birt í Pestó, sultur og chutney | Merkt , , , , , , , , | 4 athugasemdir

Rauðrófusalat með heitreyktum makríl

Skrifað september 13, 2014 - Höfundur: Berglindol

RauðrófusalatAnnasamir dagar kalla á léttan og fljótlegan kvöldverð.  Í kvöld sagði þreytan, já og letin aðeins til sín.  Ég nennti ómögulega að hafa mikið fyrir matarstússi og það þrátt fyrir að það sé laugardagskvöld. Um tíma var ég meira að segja að spá í hvort við myndum bara láta freistast í keyptan skyndibita……  en ákvað svo að trítla út í garð ná í tvær rauðrófur, ég átti heitreyktan makríl sem ég keypti á matarmarkaðnum í Hörpu síðustu helgina í ágúst og ola – úr varð þessi dásemd. Hreint ekki galið – fljótlegt, holt og gott.
SJÁ UPPSKRIFT

Birt í Salat | Merkt , , , , , , | Ein athugasemd

Haustsúpa með sætum kartöflum og gulrótum

Skrifað september 1, 2014 - Höfundur: Berglindol

Haustsúpa með sætum kartöflum og gulrótumHaustið er svolítill uppáhaldstími hjá mér – sjálf á ég afmæli í lok ágúst og yngri dóttir mín í byrjun september.  Uppskerutíminn nær hámarki, ber, sveppir, nýjar kartöflur, gulrætur og allt gómsæta rótargrænmetið að ógleymdum kertaljósunum sem aftur fá að njóta sín á kvöldin. Fyrsta haustlægðin lét ekkert bíða eftir sér þetta haustið, hressilegt rok og rigning og fátt ljúfara en að útbúa gómsæta súpu, kveikja á kertum og njóta.
SJÁ UPPSKRIFT

Birt í Grænmetirréttir, Súpur | Merkt , , , , , , | Færðu inn athugasemd

Súkkulaði- og kókos formkaka

Skrifað ágúst 31, 2014 - Höfundur: Berglindol

Súkkulaði og kókos formkaka Það er ákaflega viðeigandi á sunnudögum að skella í eina formköku og kalla fjölskyldu og vini í kaffi. Þegar ég las uppskrift af köku svipaða þessari á vefnum hjá Bon Appetit fyrir nokkru var ég staðráðin í að þessa þyrfti ég að baka – súkkulaði og kókos eru hvoru tveggja í uppáhaldi.  Ég breytti uppskriftinni örlítið og aðlagaði að smekk og því hráefni sem til var.  Útkoman er hin besta sunnudagskaka með góðu kaffi eða ískaldri mjólk.  Held ég baki þessa köku fljótlega aftur, ef til vill strax um næstu helgi og taki þá með í berjamó ef veður leyfir slíka útiveru 🙂
SJÁ UPPSKRIFT

Birt í Bakstur | Merkt , , , , , , , , | Færðu inn athugasemd

Súkkulaðimús með hindberjum

Skrifað ágúst 25, 2014 - Höfundur: Berglindol

Súkkulaðimús með ferskum hindberjumFyrir nokkrum árum gaf vinkona mín mér pínulítinn afleggjara af hindberjaplöntu sem ég kom fyrir í garðinum mínum. Þessi litli afleggjari hefur aldeilis dafnað og er orðin að hinum myndarlegasta runna sem þeytist um beðið mitt. Uppskeran í ár er sú besta fram til þessa, fyrstu berin voru orðin fallega rauð og bústinn í kringum 10. ágúst og síðan þá höfum við náð okkur í ber um leið og þau þroskast. Það er dásamlegt að rölta út í garð og kíkja eftir þroskuðum, rauðum og bústnum berjum, tína þau jafnóðum og þau eru upp á sitt besta og borða fersk með grískri jógúrt og heimagerðu músli – nú eða raða einu beri á hvern putta og borða síðan ein og sér – það er uppáhalds hjá unglingnum á heimilinu.  Hindber og súkkulaði eru líka dásamlegt par og þessi súkkulaðimús vakti mikla lukku á sunnudagskvöldi fyrir rúmri viku þegar fjölskyldan sameinaðist yfir desert og spilum.
SJÁ UPPSKRIFT

Birt í Eftirréttir | Merkt , , , , | Færðu inn athugasemd

Kjúklingur með spænsku ívafi – Chorizo pylsu og nýjum kartöflum

Skrifað ágúst 17, 2014 - Höfundur: Berglindol

IMG_5392Loksins, loksins getum við valið um að kaupa og neyta kjúklinga sem fá óerfðabreytt fóður og aðbúnað sem maður þarf ekki að skammast sín fyrir – afurð sem framleidd er á vistvænan hátt og hugað að velferð dýranna. Í vikulegri heimsókn í Frú Laugu sl. laugardag hitti ég framleiðendur Litlu gulu hænunnar, tvær ótrúlega smart ungar konur sem fylgdu fyrstu framleiðslu sinni eftir alla leið til kaupendanna.  Það var gaman að hitta þær stöllur og frábært að fá loksins val, þetta er framtíðin – ég mun leitast við að versla við Litlu gulu hænuna áfram.

Þessi fyrsti réttur sem ég elda með afurð Litlu gulu hænunnar er með spænsku ívafi, chorizo pysla, nýjar íslenskar kartöflur og oreganó fara einkar vel með kjúklingakjötinu – réttur sem án efa verður aftur á borðum í Vatnsholtinu.
SJÁ UPPSKRIFT

Birt í Kjötréttir | Merkt , , , , , , , , | Færðu inn athugasemd

Grillaður maís

Skrifað ágúst 17, 2014 - Höfundur: Berglindol

Grillaður ferskur maís Grillaður ferskur maís er eitt það besta sem unglingurinn minn fær og því fagnað mjög þegar ferskur maís fæst í verslunum eins og nú. Hún kynntist fyrst þessum rétti þegar við dvöldum í Seattle sumarið 2008 – þá var þetta einn helsti götumaturinn sem í boði var á götu- og matarhátíðum og í almennings-görðum.  Maís er ákaflega gott meðlæti með grilluðu kjöti eða sem einn af nokkrum grilluðum grænmetisréttum. Við grillum hann í hýðinu, kryddum hann oftast áður en við grillum hann, en þó eru undantekningar á því og stundum grillum við hann bara eins og hann kemur fyrir. Þessi uppskrift er eins og svo margar sem ég birti – alls ekki heilög, endilega prufið ykkur áfram með kryddið – það sem ykkur finnst best – er líka best á maísinn.

En að öðru – þegar við grilluðum þennan maís, var óskaplega gott veður, öll fjölskyldan í mat og allir hjálpuðust að við að elda og dekka upp fallegt borð út á palli. En þrátt fyrir að myndirnar sem hér eru birtar séu fallegar og maísinn vel heppnaður þá gekk raunar allt á afturfótunum þegar við elduðum þetta kvöld.  Þegar við loks settumst niður, höfðum náð að taka fallegar myndir af því sem þó heppnaðist og það sem best var náð að halda húmornum og góða skapinu þrátt fyrir allt brasið, mistökin og slysin sem áttu sér stað….. ræddum við hvað það væri nú verið fyndið ef við hefðum tekið myndir af misheppnuðu sósunni sem vildi ómögulega verða eins og hún átti að vera eða mynd af fallega kryddstauknum með dásamlega uppáhalds ítalska kryddinu mínu sem endaði í þúsund molum á stéttinni, eða sætu kartöflunum sem brunnu aðeins…… Næst munum við mynda mistökin og setja í sérstaka færslu – það er ef við náum að hafa húmorinn að leiðarljósi eins og þetta kvöld 🙂
SJÁ UPPSKRIFT

Birt í Grænmetirréttir, Grillréttir, Meðlæti | Merkt , , , | Færðu inn athugasemd

Franskar kókos Magdalenukökur (Madeleines)

Skrifað ágúst 3, 2014 - Höfundur: Berglindol

Franskar kókos Magdalenukökur (Madeleines) Franskar Magdalenukökur (Madeleines) eru litlar skeljalaga kökur – bakaðar í frönskum skeljalaga-formum. Uppistaðan í kökunum eru egg, sykur, brætt smjör og hveiti – deigið  er síðan bragðbætt með ýmsu móti, oftast með sítrónusafa eða sítrónuberki.  En í þessum er kókos en engin sítróna. Þetta eru einfaldar kökur, kannski ekkert ósvipaðar og gömlu góðu formkökurnar okkar, ekki afgerandi bragðmiklar en fínlegar og ákaflega góðar með kaffi eða te.  Þegar ég fletti upp í alfræðibókinni um mat og matargerð – Matarást Nönnu Rögnvaldar fékk ég þær upplýsingar að heimildum bæri ekki saman um hvaðan þær eru komnar eða hvenær þær voru fyrst búnar til. Þó eru heimildir sem tengja þær bænum Commercy í Lorraine. Þessi uppskrift er byggð á uppskrift úr bókinni trEATs eftir April Cater en hún er breskur matarbloggari sem heldur úti blogginu http://www.rhubarbandrose.co.uk

magdalenur!Það er ákaflega skemmtilegt að baka þegar áhugasamur aðstoðarbakari tekur þátt. Í þetta sinn var systurdóttir tengdasonar míns í heimsókn og hún naut sín mjög. Sérlega spurul, greind og ákaflega skemmtileg stúlka sem kom með hvert gullkornið á fætur öðru á meðan á bakstrinum stóð –  vá hvað hveitið er mjúkt en ekki sykurinn – já það er dásamlegt að uppgötva reynsluheim fjögurra ára bakara. Sú stutta var mjög stolt þegar kökurnar komu úr ofninum, gat vart beðið eftir að þær kólnuðu, fannst Magdalenukökurnar bæði fallegar og góðar – þar vorum við sammála 🙂
SJÁ UPPSKRIFT

Birt í Bakstur | Merkt , , , , , , , , , | 2 athugasemdir

Grillaðar fylltar paprikur

Skrifað júlí 31, 2014 - Höfundur: Berglindol

Gilladar fylltar paprikurÞað er eitt sem ég þarf að læra og það er að setja sjálfri mér raunhæf markmið – ég á það til að ætla að ljúka milljónogþremur hlutum helst fyrir hádegi og það á hverjum degi. Ég spyr mig oft af hverju og fæ yfirleitt sama svarið, sem er einfalt, það er svo óskaplega margt sem mér finnst skemmtilegt og margt sem mig langar að koma í verk…. Þessi uppskrift er gott dæmi um þetta- hún átti að koma inn fyrir rúmri viku, en á sama tíma var ég ljúka milljón öðrum verkefnum, öllum skemmtilegum, en mis-skemmtilegum þó 🙂  Bloggið sat því á hakanum og uppskriftin sem ég lofaði að koma hér inn er rúmri viku síðar á ferðinni en upphaflega stóð til.  Ég vona að ég hafi allt rétt eftir – þurfti aðeins að rifja þetta upp, enda hef ég á þessari rúmu viku farið heilan hring í kringum landið með alls kyns skemmtilegum útúrdúru, búið til og upplifað bráð-skemmtilegar matarsögur með enn skemmtilegra fólki.

Réttur þessi er einfaldur – já, ég segi og skrifa og stend við það (veit um nokkra sem hlæja núna), en þetta er einfalt og frekar fljótlegt. Paprikurnar eru líka smart sem er nú aldrei verra. Góðar einar og sér, en líka sem meðlæti með einföldum fiskréttum t.d. grilluðum lax, silung eða þorskhnakka sem kryddaður er með salti, pipar, smá sítrónu og ólífuolíu. Gómsætt!

SJÁ UPPSKRIFT

Birt í Forréttir, Grænmetirréttir, Grillréttir, Meðlæti | Merkt , , , , , , , , , , , , , | Færðu inn athugasemd